أنـــا فيني شموخ الشمس ...مافيني شموخ النــور ..

كسرني حاجز الرهبه ... وسألتي ليه أنـــــا مغرور

تحسبينه غرور إن كـــان ... قلبي يرفض أخضوعـــه

تمردي على إحساسي ... وخذلتي الخاطر المكســــور

وسول لك ضمير الغي ... تناســـي الحب وأشروعه

وصفتينــي شقي دنيا ...وحسبتيني عديم أشعور

وحسافه كلمتك كانت ... ابرغم الظلـــــم مسموعه ...

حسبت إنك على ظني ... وفي عشرة ثلاث أشهـــــور

عرفت كل شيء فينـــي ... وعيدي شبت أشموعـــه

ومادام إنهـــا ثلاث أسنين ... مرت والزمـــان أيدور

ولا زالت مفاهيمك ...عن الإحساس مردوعه

فأنـــا بعلمك طبعي ... وأ بمشي لك على الدستـــور

وأبشرح لك هوى قلبي ... وعن الخفاق وأطبـــــوعه

وأنـــا وأستغفر الخالق ...إلهي كاشف المستـــــور

من كلمة أنـــا يابنت ... صفاتي عنك مرفوعه

أنـــا طبعي أسوق الجود ... لا كاره ولا مجبـــــــور

ولدت والطيب بعروقي ... وأجنب روس مصدوعـــــه

أنـــا رجل بأمر ربي ... بناله بالشموخ أقصـــور

نجوم المجد تركع له ... وفي يمنــــاه مصروعـــــه

أنــــا فيني شموخ الشمس ... ما فيني شموخ النور

لأن النور قطرة مــاي ... يجيهـــا تكســر أضلوعه

أنــــا فيني الفخر والمجد ... وفيني كبريـــــاء أدهــــور

كسبت العز والناموس ... غصب ماهو أبطوعـــــه ...

وعلى رغم الفخر تذرف ... أعيوني دمعة المقهـــــور

إذا شفت الطفل ساكت ....وحزنه يفرض أدموعــــه

أنـــا بعد الولي ربي ... لمكســــور الخفوق أجبــــور

ويجرح خاطري المحتاج ... إذا جاء يشتكــي جوعه

أنـــا اترفع عن الزلـــه ... وبنيت من المراجل سور

يصون النفس لا تزلف ...ولو أتموت موجوعــــــه ...

ومع ذلك جمال الكون ... ينبت في الخفوق أزهور

وقلبي مزهرية حب ... من الألمـــــاس مصنوعه

وإذا قلت ( أنــــا ) كلمه .... أنانيه وكســــر أشعـــور

فأنـــا عندي لهــــا معنى ....غريب ويختلف نوعــــه

أنـــا عندي الألف تعني ... أجود وفي الزمـــان أقصور

ومعنى النون في نفسي ...نزاهة شيخ مزروعه

وثالثهـــا ألف شامخ ...ومعناته أدب وحضــــور

ترى ماهي مجرد قول ... ثلاث أحروف مطبـــوعه

إذا كان الوفاء والطيب ...وكتمـــان الشعـــور أغرور

فأنـــا أشهد لك أنـــا مغرور .... والهامات مرفـــوعه

ختام القول يــا ..... قصيدي أسألي الدكتــــــور

إذا يقدر يعيش إنسان ...وعروق القلب مقطوعه ....

ممـــــــا راق لــــــــــــي ...